مأساة قلب محطم

مين فينا دلوقتي ما بيدورش على الحب الحقيقي
ومين فينا مانفسوش ياخد اللي بيحبه بجد
ومايكونش في عقابات في حياتنا
وكل همنا أننا نكمل مع اللي بنحبه ده ومانفترقش مهما حصل
كل دي أسئله بنسءلها لنفسنا كتير
بس يا ترا
الجواب عنها هايكون أيه
هانكون متفائلين ولا متشائمين
ولكل واحد منا ظروفة ومشاكلة
أنا دلوقتي هاطرح عليكوا قصة حب حقيقية
بس للأسف
بقت مأساه كبيرة
أنا جالي إيميل من (أ .ع) وحكالي قصة حبة بالتفصيل
تعالو معايا نشوف أيه هي القصة بالظبط
بداية القصةأنهم كانو طلبة في السنه الأولي في الأكاديمية
وهو كان مرتبط بواحدة بس مش معاهام في نفس الأكاديمية
وماكانش بيحبها ... ياعني كان بيضيع وقت وخلاص
المهم
في بداية الدراسة الولد ده كان مقضيها وكلنا طبعا عارفين ياعني أيه مقضيها
ماكانش بيفكر في أي حاجة غير أنه يعيش الوقت بوقتة
لغاية ما شاف البنت الي قلبت مجرى حياته بالكامل
بداية الحكاية أنه كان في واحدة زميلته في الأكاديمية
أول لما شاف البنت دي كان عاوز يروح يتكلم معاها
فالبنت زميلته ديه قالتله ( دي تنكة جدا ومش بتتكلم مع أي حد خالص ومش هاتعرف توصلها مهما حاولت)
فأتراهن معاها الولد أنه هايكلمها
وفعلا ما كانش معدي عليه الشهر الأول في الدراسة وكان متكلم معاها
بس على أساس أنهم أصدقاء بس مش أكتر
والحكاية دي جت إزاي بقى
هاقولكم
الولد ده كان ليه أخ معاه في نفس الأكاديمية
وكان أخوة ده إجتماعي جدا
وكان عامل جروب زي الجروبات اللي عارفنها كلنا في الجامعات
فكان أخوه ده عامل الجروب بتاعه وكان فيه البنت دي فهو عمل أيه بقى
عمل تقيل
قال ياعني الواد البنت مش فارقة معاه
والبنت ما كانتش تعرف ان الولد ده أخو الولد اللي عامل الجروب بتاعها
فلما عرفت هي اللي راحتله وماكانتش مصدقة انه هو أخوه
فمن هنا بدأ التعارف وبقو أصحاب أنتيم جدا
وبعدين بدأوا يقربوا لبعض أكتر وأكتر وماكانش في شهر وكانوا مرتبطين
إزاي بقى ؟؟؟؟
أنا هاقولكم بالتفصيل
اللي حصل انهم كانوا مشتركين في فريق المسرح بالأكاديمية
وكانوا دايما مع بعض
لغاية لما هي حست فعلا أنها بتحبه
فحكت لصاحبتها الأنتيم على مشاعرها
والبنت صاحبتها دي كانت مرتبطة بأمنتيم الولد
فراحت وقالتله من وراها
فهو قالها ليكي وراها لغاية ما هي تيجي وتصارحني بنفسها
البنت قالتله عمرها ما هايكون عندها الشجاعة بكدة
قالها أعملي بس اللي بقولك علية
وفعلا البنت صاحبتها عملت اللي الولد قالها تعمله
وبعد أسبوع بالظبط كان الولد والبنت بيصارحو بعض في نفس الوقت
وأرتبطو فعلا
ومن هنا بدأت المأساه
!!!!!!!!!


نكمل بقى في الموضوع الجاي باقي حكاية ( أ.ع )