طرب ميوزيك
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
طرب ميوزيكالرئيسيةبحـثالمجموعاتالتسجيلدخول
<div style="background-color: none transparent;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>

شاطر | 
 

 كيفيه معامله البنات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المـــديــر العــــام
كلمة بحبك
كلمة بحبك
avatar

368
ذكر
رصيد النقاط : 2546
الموقع : طرب ميوزيك
العمل/الترفيه : مرشد سياحى
المزاج : زى الفل وتماااااااااام اوى كمان

تاريخ التسجيل : 20/04/2010
رسالة SMS We apologize for the lack of many new topics
Because of the lack of management team
We ask you to find himself capable of the administration he or she can progress

TRp Music
With greetings
Egyptian Advisor


مُساهمةموضوع: كيفيه معامله البنات   الإثنين ديسمبر 12, 2011 9:02 am


عمرك حبيت بنت ؟! عمرك أعجبت بواحده ومش عارف (تبعبرلها) عاللي جوّاك ؟ أكيد أيوه


كلنا بنحب البنات وبننجرح جروح رهيبه منهم لما يفرئعونا




دول أكبر 10 غلطات بيقعوا فيهم الولد مع صاحبته (أو القطعه) بتاعته




1- إنك تكون (طيب أوي)كتير...




مشكله.... ملحظتش إن البنات الحلوين مبيتشدّوش للولاد الطيبين ؟؟


بص بأه البنت مبتخترش الولد علي حسب درجه طيبته , بتختار الولد حسب قوّته اللي بتشدها


نحيته (القوة في الكلام وساعات الجسم) أعمل ايه يعني ؟؟ مبقولكش روح سبّلها عشان تعجب بيك


ولا بقوللك خليّك علي طووول حنيّن معاها ... شكّل حبه أسوة علي حنّيه وإعرف إنك مش هتعرف تظبط الحركه دي من أوّل مرة.




2- إنك تقنعها إنها تحبك...




ايه أكتر الحاجه الولد بيعملها لما يعجب بواحده جامده , مزّة , بس هي مش مهتمّه ؟


بالظبط , بيحاول يقنعها إنها تفكّر بطريقه مختلفه....


هئوللك حاجه (عمرك ماهتعرف تغيّر رأي بنت بالذات في حتّه الانجذاب)


متئدرش أبدا تغيّر تفكير بنت (بالمنطق والفلسفه)


لو البنت مش مشدودالك , ايه اللي في الدنيا هيخليها تغيّر رأيها في سعادتك


فاللي بيحصل إننا لما نلائي بنت مش مهتمّه بنتحايل ونجري وراهم ونعمل اللي نئدر عليه عشان تغيّر رأيها...


فكرة وحشه ومش هتعمل حاجه.




3- تستني إذنها وإستسماحها...




لما الواحد بيعوز يرضي واحده (اللي إحنا للأسف بنعمله عشان نرضيهم) إن إحنا تشتري رضاهم وإستسماحهم


فكرة زي الزفت


لا يمكن البنت تنجذب لولد من النوع ده , لا يمكن


متخلنيش أغلط بأه


متعاملش البنت وحش عشان (تحبّك) , بس لو فاكر إن معاملتهم الصح إنك تشتري رضاها وتتمحّك فيهم فكر تاني


مش مصدئني ؟ إسأل أي بنت كدة عن الولاد اللي بيضايئوهم بالجري وراهم والتمحيك فيهم هتلاقيهم كتير فتمبئاش واحد منهم.




4- تشتري رضاها بالماديات...




عمرك
خرجت مع الجوّ في عشوة حلوة كدة وإشترتلها هدايا وورود , في الآخر زحلقتك
ومشيت مع حد مكنش بيعاملها حتي نص ما كنت بتعاملها ؟؟ لو إنت زيّي يبئا
حصلّك كدة كتير


حزّر فزّر ايه اللي حصل ؟ دي حاجه طبيعيه جدا , أه وربنا


لما
بتهادي البنت من دول فإنت كدة بتديلها رساله واضحه (أنا متهيألي عمرك
ماهتحبيني وأنا زي مأنا فأنا هشتري رضاك وحبك بالماديات) فكرة مش حلوة بس
مرّة أو مرتين مش هيخسّروا




5- تـئوللها عن مشاعرك بدري...




مشكله تانيه كبيرة إنك تـئولّها من تاني مقابله (أنا بجد بجد بحبك)


البنات بيحبوا العذاب ميحبوش الصراحه القويه بتاعه حضرتك دي , متتئل ياض شويه ؟


عارف هتئول عليك ايه ؟ هتئول عليك إنك واحد من اللي (بيئعوا) بسرعه ومبيعرفوش يمسكوا نفسهم


البنات
الجامدين قليلين والواحده منهم الولاد بيحاولوا يـتـئربولها بأي طريئه كذا
مرة في اليوم , يعني 100 مرة في الأسبوع وأرقام كتيرة في السنه فعندهم
خبرة , عارفين هما متوقّعين ايه


فإنت إهداااا كدة خالص هتلاقي طرق تانيه غير الاعتراف.




6- إنك متعرفش ايه اللي بيشد البنت...




البنات بيتشدولنا بطريقه غير خالص ماحنا بنتشدّلهم , دي حقيقه لازم نقبلها ونعدّيها


إنت
مثلا لما بتشوف بنت جامده لابسه ديّأ بمشيتها وطريقتها بيحصلنا هوس وئتي
كدة ساعتها هل هما البنات بيتشدولنا بنفس الطريقه ؟هي البنت بتتشد بالمظهر
بس زينا ؟


بعد
5 سنين دراسه للموضوع ده لئوا إن البنت بتتشد بحاجه تاني غير المظهر (أكيد
منظرك لسه مهم متقابلهاش بفانله)البنات بيتشدولنا بللي هما بيحسّوه مننا
بطريقه كلامنا وحركاتنا , فأنت لو بتعرف تستعمل كلامك ولغتك وإتصلاتك بينك
وبينها هتقدر تخليها تحس بنفس الحاجه اللي بتشدّك ناحيه بنت لابسه ديّأ كما
سبق القول


ودي مبتجيش بالحظ خالص , لازم تتعلمها وتعرفها.




7- إنك تـئول العمليه عايزة فلوس ومنظر...




غلط
تاني إنك تـئول الحكايه عايزة فلوس أو شكل جامد أو طول معين إلخ. , أغلب
البنات بيتشدّوا للرجاله بشخصيتهم أكتر من محفظته , إنت مش شفت أبل كدة
بنات زي القمر ماشيين مع ولاد وحشين؟ أهو أنا بتكلّم في كدة , شخصيتك سلاحك
وزي ما قلت لو بتعرف تستعمل كلامك وطريقتك هتعمل حاجه.




8- إنك تدّي كل ما تملك لبنت...




سبق
وقلت إنك متستنّاش من البنت الإستسماح , والواحد يفتكر إنه لما ينفذ للبنت
كل اللي هي عايزاه هتحبه , فكرة غلط ومبتنفعش , البنات مبيحبوش الولاد
المطاوعينلهم , مبيحبوش الجُبَنا.




9- إنك متعرفش تعمل ايه بالظبط في المواقف المختلفه...




عارف
إن البنت بتفهم وبتاخد بالها جدا من التعبيرات الكلاميه والحركات (أو لغه
الجسم) عن الولد ؟ وعارف كمان إنها بتعرف تقرا التعبيرات دي أكتر 10 مرات
من الولد ؟ فمثلا إنتو لو خرجتو وكنت عايز تمسك ايديها لاقدّر الله مثلا
فهي عارفه إنك عايز تمسك إيديها قبل ماتعمل أي حاجه !! ولو معرفتش تخشّلها
منين وأعدت باصصلها كدة وإنت متضايئ هتبئي فاهماك ومش هتساعدك, فمن المهم
إنك تعرف هتعمل ايه بالظبط في كل المواقف




10- مش عارف تساعد نفسك...




هو ده سبب فشل معظم العلاقات في الآخر , دي حاجه إحنا اساسا مبنحبهاش في نفسنا يا بالك البنت بأه ؟


إحنا مش محتاجين مساعده حد .. إنت مش ضعيف هتعرف تعمل أي حاجه وكل حاجه لوحدك


وفي الآخر هئوللك :::


إستحمّي كتير وإتشيّك كتير وإتكلم قليل وإضحك قليل


بس متضيّعش وقتك


البنات: بسيطات لكن معقّدات , ضعفاء لكن أقوياء , طيبات لكن قاسيات (مش كدة ولا إيييه ؟؟)







نأسف على عدم وجود موضوعات جديده كثيرة
وذلك بسبب عدم وجود فريق إداره
نرجو من سيادتكم من يجد نفسه قادر على الاداره فيمكنه التقدم

طرب ميوزيك
مع تحيات
المستشار المصرى

We apologize for the lack of many new topics
Because of the lack of management team
We ask you to find himself capable of the administration he or she can progress

Trp Music
With greetings
Egyptian Advisor



الرجوع الى أعلى الصفحة اذهب الى الأسفل
http://trpmusic.yoo7.com
 
كيفيه معامله البنات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
طرب ميوزيك :: ©؛°¨°؛©][ اقسام الشعر والرومانسيه ][©؛°¨°؛© :: منتدى الحب والرومانسيه-
انتقل الى: