مرسال لحبيبتى .. فريق مسار اجباري .. اغنية من فيلم الميكروفون

السلام عليكم ورحمة الله وبركاتة

ازيكم يا احبائي اعضاء المنتدى الكرام
معلش مش هاضيف اى صور او حاجة للتوبيك
لانى شايف ان الكلام بتاع الاغنية دى اروع من الصور
يعنى لوحده هايوفي بالغرض وزيادة كمان

الاغنية من فيلم الميكروفون لفريق مسار اجبارى
هاسيبكم مع كلماتها وانتو اللى هاتحكموا عليها

==*==*==*==*==*==*==*==*==*==*==

مرسال لحبيبتى

حبيبتى .. حبيبتى شَرطة مايلة فراااااااااااغ
وهاكتب ليه حروف اسمك ؟! .. ماهو انتى فى قلبي ساكنة القلب عارفة بقصتى وحالى
ومين غيرك في قلبي اكتبلة مرسالى

أما بعد

مانيش عارف دا جوابي الكام .. ماعودتش بحسب الصفحات .. ماعودتش بحسب الاقلام
ماعودتش احسب اللى ضاع من الاوهاااااااااام
كفاية انى بحبك بس .. وقلبك لو بقلبي حس
او شاف حالة في بعادك .. لصلى لربه واستغفر لذنبه وصام

وياما في نفسي .. تيجي لقلبي وتحنى .. ولازم تعرفي إنى
لا انا عفريت ولااااا جنى .. بحبك بس ايدى اقصر كتير منى

فا مش هاقدر اجيبلك من الدهب كفة .. واجيبلك من الياقووووووت كفة
ومش هاقدر اجيب الوالى في الزفة . ومش هاقدر اجيبلك بيت
يموت القطر لو لف في حِمَااااااه لفة .. كفاية إنى بحبك مووووووت
وحب الناس ندامة وعار .. وحُبي عكسُهم عِفه

ولو ترضي فعندى شروط .. انا طبعا بحبك موت ولكن برضة ليا شروط

انا عايزك تكونى في الوريد دمه .. وتبقي في عقلة انا همه
وتبقي الورد جوه القلب غيري يشوفه يتحسر ولا يشمه

وعايز رمشك الجارح .. صراط يجرح فؤاد غيري ما يرحمشي
وانا اجيلك .. اعدّي فوق صراط رمشك ولا اخافشي
وحتى لو وقعت في يوم من الخضة .. اقع في عنيكى واتوضى
واصلى ركعتين لله .. وابوس ننى العنين وامشي

لا انا طماع ولا في طبعي الانانية .. جناين قلبي راح تفضل ولو طال البعاد فاتحة
بحبك قولتها بالكسرة .. ونفسي اسمعهاااااااااااااا بالقتحة

==*==*==*==*==*==*==*==*==*==*==

» كلمات اغنية تايتنك عربى وانجليزى, كلمات اغنية تايتنك مميزة
» تحميل فيلم لا تراجع و لا استسلام Dvd - تنزيل فيلم لا تراجع و لا استسلام dvd - فيلم لا تراجع و لا است
» اغنية دنيا سمير غانم - ارتحت خلاص Master Q 192Kbps من طرب ميوزيك
» تحميل فيلم اللمبي 8 جيجا Dvd
» تحميل فيلم الحروب The Legend of The Evil Lake DVD Rip 2010 على اكثر من سيرفر